11 August 2025 | News by PISD
Sa harap ni Governor Humerlito “Bonz†A. Dolor, pormal nang nanumpa ang mga bagong opisyal ng Federation of Senior Citizens of Oriental Mindoro (FESCORM) mula sa 14 na bayan sa lalawigan.
Muling nahalal na pangulo ng samahan si Maura Javier, Municipal President ng Bansud sa oath-taking ceremony na pinangasiwaan ng Provincial Social Welfare and Development Office (PSWDO)
Nanumpa rin sa kanilang katungkulan sina elected Vice-President Ms. Alicia Duro mula sa Socorro, Treasurer Lolindia Del Mundo ng Pola, Assistant Treasurer Nelia Mendoza mula sa Roxas, Auditor Edita Semilla, mula sa bayan ng Gloria, PRO. Ligaya Ferranco mula sa Baco, Bussiness Manager Hermina Enrique mula sa Victoria, at Secretary Rodolfo Sapallo ng Pinamalayan. Nakiisa rin sa gawain sina dating Bokal Estella A. Malapitan at Lauro De Belen, Special Assistants for Senior Citizen Affairs.
Sa harap ng mga pangunahing mamamayan, ipinakita ni Gov. Bonz ang kaniyang paghanga sa mga opisyal na boluntaryong tinanggap ang responsibilidad bilang mga lider sa kabila ng kanilang edad.
Ang mga bagong halal na opisyal ay inaasahang mamumuno sa loob ng tatlong taon, kung saan kanilang gagampanan ang paglilingkod sa mga kapwa nila senior citizens sa pamamagitan ng pagtugon sa pangangailangan ng mga ito.
Sa pagsasagawa ng kanilang tungkulin, kanila ring pamununuan ang apat na komitiba: Commitee on Programs and Services, Committee on Institution and By-Laws, Committee on Livelihood, Committee on Ways and Means, Grievance Committee, at Committee on Nominations and Elections.